बंगलादेशले कृषि क्षेत्रमा गरेको प्रगति तथा उसको कृषि प्रणालीका बारेमा बुझ्न नेपाली प्रतिनिधिमण्डलको नेतृत्व गदै बंगलादेशका समामुखज्यू संगको भेटघाट कार्यक्रम ।
भेटका क्रममा माननीय सभामुखले दुई देशले ऊर्जा, कनेक्टिभिटी र पर्यटनजस्ता क्षेत्रमा आपसी सहकार्य गरी सम्बन्धलाई थप मजबुत बनाउन सक्ने बताउनुभयो । उनले थप उप(क्षेत्रीय कनेक्टिभिटीका लागि बीबीआईएन मोटर वाहन सम्झौताको प्रारम्भिक परिचालनमा पनि जोड दिए।
नेपाली प्रतिनिधिमण्डलले ढाकाको धानमण्डी–३२ स्थित बंगबन्धु स्मृति संग्रहालयमा राष्ट्रपिता बंगबन्धु शेख मुजिबुर रहमानप्रति श्रद्धाञ्जली अर्पण गरेर बंगलादेशमा औपचारिक कार्यक्रमको सुरुवात गरेको हो ।
प्रतिनिधिमण्डलले बंगलादेश संसदको कृषि मन्त्रालय सम्बन्धी स्थायी समिति भेटवार्ता गरेको थियो । प्रतिनिधिमण्डललाई बंगलादेशले कृषि क्षेत्रमा हासिल गरेको उल्लेखनीय सफलताका बारेमा जानकारी गराइएको थियो । दुवै पक्षले कृषि क्षेत्रमा विचार र उत्कृष्ट अभ्यासको आदानप्रदान र आदानप्रदानमा जोड दिएका छन् ।