नेपालमा आर्थिक कूटनीतिको सम्भावना धेरै छ । नेपाली अर्थतन्त्रका कैयौँ सबल पक्षहरु हुँदाहुँदै पनि विविध कारणले अर्थतन्त्रले अपेक्षित गति लिन नसकिरहेको अवस्था विद्यमान छ । यस्तो अवस्थामा विदेशस्थित सबै नेपाली मिसनहरुले आर्थिक कूटनीति प्रवर्धन गर्नुपर्ने जरुरी देखिएको छ । त्यसैले आज मन्त्रालयमा आयोजित अन्तरक्रियामा नेपालमा लगानी आकर्षित गर्न तथा नेपालका सम्भावना र नेपाली बजारलाई आफू रहेका देशसम्म पुर्याउने प्रयत्न गर्न सबै नेपालका मिसन प्रमुखहरुलाई आग्रह गरेँ । साथै नेपालको आर्थिक कूटनीतिको अवधारणामा समन्वयात्मक रुपमा काम गरी निर्यात प्रवर्धनमा लाग्न नेपाली उद्यमी, व्यवसायीहरुसँग पनि आग्रह गरेँ ।