काभ्रेपलाञ्चोक जिल्लाका विभिन्न ६ ओटा पालिकाका बाढीपीडित गर्भवती तथा सुत्केरी महिलाहरुलाई राहातस्वरुप कम्मल (ब्लाङ्केट) वितरण गरिएको छ ।

सुरक्षित मातृत्व सञ्जाल महासङ्घ, नेपालले धुलिखेलमा आज आयोजना गरेको कार्यक्रममा सो महासङ्का तर्फबाट उपलब्ध गराइएका ब्लाङ्केट जिल्लाका १०९० जना गर्भवती तथा सुत्केरीलाई स्थानीय जनप्रतिनिधिहरू मार्फत वितरण गरिएको हो ।

यसबर्ष बर्षाका कारण घर बस्ती बगाउँदा अप्ठेरोमा परेका गर्भवती र सुत्केरीहरुका लागि थोरै भएपनि सहयोग पुगोस् भन्ने उद्देश्यले यो राहात स्थानीय जनप्रतिनिधिमार्फत उपलब्ध गराइएको छ । आगामी दिनमा पनि गर्भवती र सुत्केरीहरूका लागि सहयोगका कार्यक्रमलाई निरन्तरता दिइने प्रतिबद्धता पनि व्यक्त गर्न चाहन्छु ।